ARB 24-ün 4 əməkdaşı koronavirusa yoluxub

ARB 24-ün 4 əməkdaşı koronavirusa yoluxub
909 dəfə oxunub
  • A-
  • A
  • A+

COVİD-19 infeksiyasına qarşı qabaqlayıcı tədbirlər görülməsinə baxmayaraq, "ARB 24" telekanalının 4 əməkdaşında da koronavirus aşkarlanıb.

Axşam.az xəbər verir ki, ilk testi pozitiv çıxan 2 əməkdaş karantin şəraitində 1 həftə saxlanılıb. Yenidən test verdikdə isə nəticə neqativ olub. Onlar artıq evə buraxılıblar.

Bir əməkdaş isə xəstəxana şəraitində həkim nəzarətində saxlanıldıqdan sonra evə buraxılıb, müalicəsi ev şəraitində davam etdirilir. Hazırda kanalın bir əməkdaşının müalicəsi xəstəxana şəraitində davam etdirilir. O, özünü yaxşı hiss edir, səhhətində ciddi ağırlaşma yoxdur.

Əməkdaşlarda ilk virusa yoluxma fakt aşkarlandıqdan sonra telekanalın binasında bir neçə dəfə dezinfeksiya işləri aparılıb. Bundan başqa sərt karantin rejiminin tətbiq olunmasından etibarən proqram siyasətində dəyişiklik edilib, əməkdaşlar 2 qrupa bölünərək işləyirlər. Müvəqqəti olaraq "ARB 24" telekanalında daha məhdud efir yayımına keçilib, canlı yayım verilişlərin sayı azaldılıb.