“Biz pandemiya ilə mübarizəyə başladığımız ilk dövrlərdən müəyyənləşdirilmiş tibbi protokollar əsasında müalicə tətbiq etmişik”.

Axşam.az xəbər verir ki, bunu bu gün Nazirlər Kabineti yanında Operativ Qərargahın təşkil etdiyi mətbuat konfransında TƏBİB-in İdarə Heyətinin sədri Ramin Bayramlı bildirib.

R. Bayramlı səhiyyə müəssisələrinə inamsızlıqla bağlı fikirlərlə razı olmadığını da vurğulayıb:

“Tibb müəssisələrində kifayət qədər peşəkar insanlar çalışır. Fədakar əməyə görə həkimlərə təşəkkür etməliyik. Harada qüsur varsa, onu da aradan qaldıracağıq. İnsanlarımız səhiyyə sisteminə inanırlar”.

Azərbaycan Respublikası Prezidentinin iqtisadi məsələlər üzrə köməkçisi Şahmar Mövsümov isə bildirib ki, bəzi insanlar koronavirusa yoluxduğu halda, bunu ayıb sayaraq xəstəxanaya müraciət etmirlər: “Temperaturu olan, yoluxma şübhəsi olan insanlar poliklinikalara müraciət etməlidirlər. Hər kəs bu virusa yoluxa bilər, burada ayıb heç nə yoxdur”.