Axşam.az xəbər verir ki, bu sözləri Əməkdar artist Vasif Məhərrəmli "Axşam-axşam" proqramında deyib. Müğənni sosial şəbəkədə yazılan tənqidlərdən gileylənib.
Sənətçi şou-biznesdəki kateqoriya söhbətindən bəhs edib:
"Anar Nağılbazın ölümünə sosial şəbəkələr səbəb oldu. Hər sözü söz edirlər. Ona görə də danışanda o qədər ehtiyatla yanaşmaq istəyirsən ki... Amma mümkün deyil.
Yenə deyəcəm... Bədi səviyyə də düşüb aşağı. 1990-cı illərdən 2000-ci ilə qədər toylarda hansı mahnıları oynayırdıq: Tofiq Quliyev, Rauf Hacıyev, Məmmədbağır Bağırzadə. Son vaxtlar isə meyxanadır... Meyxana başqadır, musiqi başqa. Bilinmir nədir. Musiqinin içində bir "xəşilləşmə" gedir. Ona görə də kateqoriya pozuldu".