Türkiyədə yeni növ koronavirus (COVİD-19) aşkarlanan şəxslərin sayı 209 min 962 nəfərə çatıb.
Axşam.az xəbər verir ki, bu barədə ölkənin səhiyyə naziri Fahrettin Koca məlumat verib.
O bildirib ki, son 24 saat ərzində ölkədə 18 nəfər koronaviruslu xəstə dünyasını dəyişib, 1024 nəfər isə infeksiyaya yoluxub.
Ümumilikdə ölkədə COVİD-19-dan vəfat edənlərin sayı isə 5300 nəfərə çatıb.
Türkiyədə bu gün koronavirusdan sağalanların sayı isə 2879 nəfər təşkil edir.