İlon Mask, Bill Qeyts, Barak Obama, Kanye Uest, Ceff Bezos kimi bir çox məşhurun tvitter hesabı hakkerlərin hücumuna məruz qalıb.

Axşam.az xarici KİV-ə istinadən xəbər verir ki, həmin şəxslərin səhifəsində insanları bir bitcoin hesabına min dollar göndərmələri ilə bağlı paylaşım edilib. Vurğulanıb ki, həmin məbləğ artaraq, 2 min dollar həcmində geri qaytarılacaq.

Daha sonra paylaşım silinib və yenisi ilə əvəz olunub. Eyni zamanda "Göndərilən bütün ödənişlərə görə minnətdaram" tvitti yer alıb.

Qısa zamanda hesablar sahiblərinə qaytarılıb. Problemin səbəbi isə araşdırılır.

Yalnız İlon maskın profilindən yayımlanan statusa görə 38 min dollar göndərilib. Bütün səhifələrdən fırıldaqçıların ümumi qazancı isə 200 min dolları ötüb.