Bu #olabilər! nə ola bilər?

Bu #olabilər! nə ola bilər?
1408 dəfə oxunub
  • A-
  • A
  • A+
Son zamanlar Facebook-un ən diqqətçəkən və maraqlı cərəyanlarından biri reklam həştəqləridir. Müəyyən müddət ərzində mövcud olan belə həştəqlər qısa zaman ərzində öz əyləncəli məzmunu və hədiyyələri ilə insanların marağına səbəb olur.

Hər bir həştəqin arxasında isə bir sirr dayanır deyə, insanlar bu sirri, yəni həştəqin nə ilə bağlı olmasını tez bir zamanda öyrənmək istəyirlər. Artıq bir həftəyə yaxındır ki, FacebookInstagram-da yeni, çox maraqlı – #olabilər! həştəqi diqqət mərkəzindədir. Həştəqin aktiv Facebook səhifəsi və Instagram səhifəsi təsirli, intelellektual və əyləncəli paylaşımlarla sosial şəbəkə istifadəçilərinin xüsusi marağına səbəb olub. Buna görə də, bir çoxlarını indi bu sual maraqlandırır: Görəsən, bu #olabilər! nə ola bilər?

Burada bir neçə versiya irəli sürmək olar. İlk əvvəl qeyd edək ki, bu məzmunda və bu səviyyədə iş hazırlamaq çox çətindir, bu layihənin güclü bir komanda işi olduğunu açıq-aydın göstərir. Kopiraytinqə və qrafik dizayna fərqli, daha keyfiyyətli yanaşma hiss olunur. Həştəq orijinallığı ilə seçilir, həştəqin öz personajı, öz saytı var. Hətta, www.olabiler.az saytında qeydiyyatdan keçib, zarafat xarakterli yarışmaya da qoşulmaq olar. Dostunun adını yazırsan, ondan, əslində, yaxşı kim ola bilər öyrənirsən. Maraqlı təklif də edirlər. Əgər saytda qeydiyyatdan keçsəniz, həştəqin nə ilə bağlı olduğu hamıdan bir gün əvvəl sizə bildiriləcək. Belə irihəcmli hazırlıq, işin sistemli qurulması, komanda gücü layihənin və həştəqin hansısa böyük kompaniyaya aid olması versiyasını yaradır. Güman ki, bu həştəq hansısa böyük layihənin başlamasına diqqət çəkmək üçün işlənib.

tərəfdən, indiyədək məlum olan #problemdeyil, #səndənbirdənədir və #gözləmə tipli məşhur həştəqlər, adətən, bank xidmətlərinə aid idi. Yalnız #4noyabr həştəqi marketinq görüşünü özündə əks etdirirdi. Lakin bu dəfə hansısa bankın yeni bir həştəqlə mediaya girməsi inandırıcı görünmür. Düzdür, ölçüsünə, keyfiyyət və əhatəliliyinə görə, digər həştəqlərdən geri qalmır, hətta, irəlidədir. Bu səbəbdən belə bir fikir formalaşır ki, #olabilər! tək bir şirkətin yox, bir neçə fərqli təşkilatın birgə layihəsi də ola bilər. Bəlkə də, təşkilatlar bir ideya ətrafında birləşib böyük bir tədbir həyata keçirəcəklər.

Üçüncü versiya isə, ideyanın onlayn layihə olmasıdır. Hələki heç bir xidmət və ya şirkətin adı çəkilmir, bütün işlər isə onlayn formadadır. Həştəq, aktiv sosial şəbəkə hesabları, sayt, qeydiyyat, reklam və s. – hamısı onlayn olaraq davam edir. Bu isə #olabilər!-in internet şou, onlayn yarışma və ya böyük onlayn layihə olması ehtimalını gücləndirir. Onlayn layihənin bu şəkildə təqdimatı da maraqlı yanaşma ola bilər.

Gözdən qaçmayan kiçik bir məqam daha var. www.olabiler.az saytının ana səhifəsinin fonuna diqqətlə baxdıqda yaşıl fonda müxtəlif ikonlar da görünür. Ütü, telefon, fotoaparat, tozsoran, qulaqcıq, hədiyyə qutuları və hətta, avtomobil ikonu gözə çarpır. Bu ikonlar həştəqin yarışma olacağı versiyasını gücləndirir. Güman ki, hər kəsi bol hədiyyəli və sürprizli layihə gözləyir. Digər ikonlardan əlavə, avtomobil ikonunun olması, yəqin ki, qiymətli hədiyyələrin olmasına işarədir. İkonların müxtəlif dəyərli və fərqli seqmentlərdən olması, yuxarıda vurğulanan bir neçə kompaniyanın birgə işi iddiasını yada salır.

Həqiqətən, versiyalar çoxdur və onların sayını artırmaq da olar. Lakin ən yaxşısı bir az da səbr etmək, bu maraqlı həştəqlə paylaşılan əyləncəli işlərdən zövq almaq və #olabilər!-in nə olduğunun açıqlanmasını gözləməkdir. Artıq sosial şəbəkə istifadəçilərinin bir qismində ümumi rəy formalaşıb ki, həştəq varsa, sonda o, bank xidməti olacaq. #olabilər! -dən gözlənilən isə bu həştəqin tam fərqli bir iş olması və hər kəsi bir qədər də təəccübləndirməsidir. Ona görə də, gözləyək, görək, bu #olabilər! həqiqətən, nə ola bilər?