Müğənni Sılanın rəfiqəsi Ziynet Salini döyməsi haqda iddialar yayılıb.

Axşam.az xarici KİV-ə istinadən xəbər verir ki, ötən gün alış-verişlərindən birində görüntülənən Sali verilən suallara əsəbiləşib və “Heç kimlə problemim yoxdur. Haqsızlıqlara görə insanın səbri daşır” sözlərini deyib:

“Bu mövzular barədə məhkəmədə danışacam. İndi danışma qadağam var. Düzdür, çox danışanları susdurmaq lazımdır, amma onu da məhkəmə yolu ilə həll edəcəyik. Heç kimlə heç bir problemim yoxdur. Bu haqsızlıqlardan sonra insanın səbri daşır.

Bu qədər boş iddialara ehtiyac yox idi. İnsan müəyyən bir yerə qədər yaxşı niyyətini qoruya bilir. Baş verənlər haqda vəkilim danışacaq.

Sıla ilə əlaqəmiz var. Hətta son olanlardan sonra zəng etdim və danışdıq. Həmişə dostuq. Həmkarıq”.