Müslüm Maqomayevin mahnılarından ibarət vinil qrammofon valı buraxılıb

Müslüm Maqomayevin mahnılarından ibarət vinil qrammofon valı buraxılıb
272 dəfə oxunub
  • A-
  • A
  • A+

Rusiyanın “Melodiya” səsyazma şirkəti Müslüm Maqomayevin mahnılarından ibarət vinil qrammofon valı buraxıb.

Axşam.az "AzərTac"a istinadən xəbər verir ki, bu barədə şirkətin mətbuat xidməti məlumat yayıb.

Bildirilib ki, Müslüm Maqomayevin anım günündə buraxılan musiqi valında ifaçının 1960-1980-ci illərdəki mahnıları yer alıb. Onun ifasında Polad Bülbüloğlu, Mark Fradkin, Arkadiy Ostrovski və digər sovet bəstəkarlarının mahnıları, eyni zamanda, ifaçının özü bəstələdiyi “Mavi əbədiyyət” kompozisiyası səslənir.

Qeyd olunub ki, mahnıların çoxu – “Mənim Bakım”, "Bənövşələr", "Dünyanın ən yaxşı şəhəri", "Xəyallar, xəyallar" və digərləri məhz Müslüm Maqomayev üçün bəstələnib.

Mahnıların rəqəmsal versiyasına “Spotify”, “Яндекс.Музыка”, “YouTube”, “Apple Music” platformalarında dinləmək olar.