Ermənilər Füzulidə qəbiristanlığı dağıdıb, yerində taxıl əkiblər - Video+Fotolar

Ermənilər Füzulidə qəbiristanlığı dağıdıb, yerində taxıl əkiblər -  Video+Fotolar
1359 dəfə oxunub
  • A-
  • A
  • A+

Azərbaycan Respublikasının Prezidenti, Ali Baş Komandan İlham Əliyevin tapşırığı əsasında ölkəmizdə akkreditasiya olunmuş xarici ölkələrin səfirləri, beynəlxalq təşkilatların rəhbərləri, diplomatlar və hərbi attaşelər Füzuli rayonunun işğaldan azad edilmiş Kürdlər kəndində olublar.

Axşam.az APA-ya istinadən xəbər verir ki, diplomatik korpusun nümayəndələri və hərbi attaşelərə dağıdılmış kənd qəbiristanlığı göstərilib.

Azərbaycan Respublikası Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev və Füzuli rayon İcra Hakimiyyətinin başçısı Alı Alıyev bildiriblər ki, 27 il ərzində işğal altında olmuş kəndin qəbiristanlığı buldozerlə dağıdılıb, yerində buğda, arpa əkilib.

H. Hacıyev bildirib ki, bu, yenə də Ermənistanın vandalizminin bir əlamətidir.