Axşam.az xəbər verir ki, bu sözləri Əməkdar artist Mətanət İsgəndərli "7 canlı" proqramında deyib. Müğənni əsgərlərə söz verib. O bildirib ki, hamısının toyunda təmənnasız oxuyacaq:
"Aldığımız nəfəs, ayaq basdığımız torpağı əsgərlərə borcluyuq. Şəhid ailələrində toy olarsa, hamısına çağırsınlar, gedəcəm. Əsgərlərə söz vermişəm ki, Qarabağ azad edilsin, hamınızın toyunda təmənnasız oxuyacam. Bunu söz olaraq deməmişdim. Gedəcəm və bunla fəxr edəcəm.
Hər zaman müharibə ərəfəsində cəbhəyə gedib, konsertlər vermişəm. Evdən çıxanda oğlumla ailə üzvlərimizdən halallıq alırdıq. Deyirdik, bilmək olmaz nə olacaq. Amma fəxrlə deyirəm, kaş şəhid olardım. Övladlarım fəxr edərdi ki, anaları vətən uğrunda şəhid olub".