Türkiyədə son sutka ərzində koronavirusdan (COVID-19) 174 nəfər ölüb.
Axşam.az xəbər verir ki, bu barədə Türkiyənin Səhiyyə naziri Fəxrəddin Qoca bildirib.
O qeyd edib ki, son 24 saatda 171 113 nəfər koronavirus testindən keçib, 6592 xəstənin COVID-19 testi pozitiv çıxıb, ümumilikdə isə simptomları müəyyən edilməyən xəstələrlə birlikdə 29 845 nəfər COVID-19 şübhəlisi olaraq qeydiyyata alınıb.
Ağır xəstə sayı dünənlə müqayisədə 105 nəfər artaraq 4816 olub.
Türkiyədə indiyədək 481 198 nəfər yeni növ koronavirus infeksiyasına yoluxub, onlardan 13 191 nəfəri ölüb.