"Şuşanın kəndlərinə yeni girmişdik. Siyəzən rayonundan əsgər Cəbiyev Qardaşağa var idi. Xatirə qalsın deyə, birlikdə şəkillər, videolar çəkdirmişdik. Bir müddət sonra oturub fotolara baxırdıq. Qardaşağanın tək özünü çəkdiyi selfisi var idi. Mənə göstərdi və dedi ki, gör necə şəhid şəklinə oxşuyur".

Axşam.az xəbər verir ki, bu sözləri 44 gün davam edən Vətən müharibəsində qəhrəmancasına vuruşan qazimiz Nəcməddin Mehdiyev "Araz FM"ə müsahibəsində deyib. Döyüş yoldaşı ilə bağlı ağrılı xatirəsini danışan igidimiz sözlərinə belə davam edib:

"Beş dəqiqə keçmədi ki, yanımıza minomyot düşdü. Ayağa qalxanda baxdım ki, artıq nəfəs almır. Şəhid oldu. Valideynlərinə baş sağlığı verirəm. Qəhrəmanlarımızın qanı yerdə qalmadı".



                 

Xəbər lenti