Şərhlərdən qaçanlar - Fotolar

Şərhlərdən qaçanlar - Fotolar
5745 dəfə oxunub
  • A-
  • A
  • A+

Sosial şəbəkədə ən çox müzakirə edilən və istifadəçilərin diqqətini çəkən tanınmış simaların paylaşımlarıdır. Bir sənət adamı şəkil yayımlayan kimi istifadəçilər yüzlərlə şərh yazırlar. Kimi təhqir, tənqid edir, kimi isə tərifləyir.

Axşam.az xəbər verir ki, bəzi ifaçılar isə şərh bölümünü ya bağlayır, ya da məhdudiyyət qoyur. Yəni ona şərhi yalnız öz seçdiyi dostları yaza bilər.

Həmin məşhurlar kimidr?

Əməkdar artist Mətanət İsgəndərli paylaşımlarında şərh bölümünə məhdudiyyət qoyub. Onun fotolarına yalnız öz dostları yaza bilər. Buna səbəb isə keçmiş gəlini ilə aralarında yaşanan mübahisə olub. Belə ki, nəvələrini anasının əlindən alan isgəndərli yazılan tənqidləri oxumaq istəmir və buna görə də belə addım atıb.

 

Müğənni Gülay Zeynallı isə bütün paylaşımlarında şərh bölümünü bağlayır. Sənətçinin nə dostları, nə də izləyiciləri ona fikir bildirə bilməz. 860 min izləyici ancaq Gülayın paylaşımlarına bəyəni qoya bilir.

 

Xalq artisti Röya Ayxan da bəzən paylaşımlarında şərh bölümünü bağlayır. Hərdən isə o da şərh yazma haqqını ancaq dostları üçün açıq edir.

 

Müğənni Günel Zeynalova da bəzi hallarda paylaşımlarında şərhləri bağlayır. O, açıqlamalarından birində bildirib ki, buna səbəb onun görüntüsü ilə bağlı yazılan tənqidlərdir. Belə ki, izləyiciləri hər dəfə Güneli çox plastik əməliyyat etməkdə günahlandırır və yaraşmadığını yazırlar.

Xalq artisti Tünzalə Ağayeva son günlər paylaşımları ilə gündəmdən düşmür. Müğənni instaqram səhifəsinə xüsusi nəzarət edir. belə ki, Ağayeva yazılan bütün mənfi rəyləri silir. Bəzi hallarda isə o, şərh bölümünü tamamilə bağlayır.

Müğənni Təranə Qumral paylaşım edəndə ilk əvvəl şərh bölümünü bağlamır. İfaçı çox tənqid yazıldığını görəndə şərhləri tamam bağlayır.