Orxan Fikrətoğludan tənqidlərə cavab - "Yemək bişirməyəcəyəm"

Orxan Fikrətoğludan tənqidlərə cavab - "Yemək bişirməyəcəyəm"
3568 dəfə oxunub
  • A-
  • A
  • A+

Aparıcı, Əməkdar incəsənət xadimi​ Orxan Fikrətoğlu Milli Kulinariya Mərkəzinin baş direktoru vəzifəsinə təyin olunduğuna görə onu tənqid edənlərə cavab verib.

Axşam.az xəbər verir ki, bu barədə o, feysbuk səhifəsində paylaşım edib:

"Həm Dövlət Turizm agentliyinə, həm Tahir Əmiraslanova (Mərkəzin eks-direktoru-red.) milli irs zəminində yardım etmək fikrindəyəm. Tarixi,diplomatik və siyasi sahədə əlbətdə ki. Buna ehtiyac var.

Kulinariya ancaq yemək demək deyil. Milli mədəniyyətin bir qoludur və dövlətin yumşaq siyasət yürütdüyü mühüm sahədir. Həyatına hirsli olanların, borcu zadı olanların, ömürləri boyu gündəmdəm kənarda qalanların mənim bu müvəqqəti seçimimlə bağlı ağızdolusu danışması əslində gözlənilən idi”.

Fikrətoğlunun sözlərinə görə, Azərbaycanın bir çox sahələrində intibaha ehtiyac var:

“Milli kulinariyanın dijital formatda - yeni TV variantda təqdimatı bütün dünyaya çıxarılacaq. Bu sahənin təhsil mexanizmi nəhayət ki, qurulacaq. İctimai nəzarət mexanizmləri, şəffaflıq təmin ediləcək. Kulinariya bir çoxlarının fikrində deyəsən bozbaşxana kimi şəkillənib. Mən Dövlət Turizm Agentliyinə bu stereotipi dağıtmaqda Tahir Əmiraslanov və digərləri ilə birlikdə kömək edirəm”.

Fikrətoğlu əlavə edib ki, Tahir Əmiraslanov hələ də Milli Kulinariya Mərkəzi Assosasiyasının rəhbəridir, o isə hər gün İTV-də veriliş aparır.

Aparıcı vurğulayıb ki, beşinci kolona xidmət edən, Azərbaycanın inkişafında maraqlı olmayan bəzi boşboğazlara isə dövlətini və onu sevənlər feysbukda cavab verir: 

“Sakit olun. Mən yemək bişirməyəcəyəm. Heç xəstəliyim səbəbindən yeyə də bilməyəcəm. Əlbəttə ki, kulinariya mənim sahəm deyil. Amma bir vaxtlar kino və TV də mənim sahəm deyildi. Sonralar oldu. Bacarırsızsa, bu sahədə bizə kömək edin. Bacarmırsızsa, kasada qurd axtarmayın. İcazə verin bütün sahələri salavatlayaq…”.