ABŞ-ın məşhur artıqçəkili müğənnisi Lizzo "Elle" jurnalının sentyabr buraxılışının üz qabığında yer alıb.

Axşam.az xəbər verir ki, ifaçı bunun üçün "Balenciaga" brendinə məxsus geyimlə kamera qarşına keçib. Jurnalın verdiyi məlumata görə, Lizzo üçün bu təsvirin yaradılmasına 300 funt-sterlinq (təxminən 608 manat) dəyərində olan iki rulon yapışan lent sərf olunub.

O, ümumilkdə fotosessiya üçün "Di Pesta" libası, "Aliette", "Versace", "Gucci", "Chet Lo" brendlrinin paltar və aksesuarlarından istifadə edib.

"Səhnədə gördüyüm ulduzların demək olar ki, hamısı arıq və açıq dərili idi, mənə oxşamırdılar. Təbii ki, Missi Elliott və Kuin Latifa kimi xanımlar var idi. Lakin onlar mövcud reallığın istisnası idilər. Ona görə də həmişə hiss etmişəm ki, mahnı əla olsa belə, insanlar onu məndən eşitmək istəməyəcəklər" deyə, Lizzo açıqlayıb.