DİN-dən Kamillə Gülayın qızının maşın sürməsinə reaksiya - Yenilənib

DİN-dən Kamillə Gülayın qızının maşın sürməsinə reaksiya - Yenilənib
20157 dəfə oxunub
  • A-
  • A
  • A+

Müğənni Gülay Zeynallı və idmançı Kamil Zeynallının 10 yaşlı qızı Sahilənin maşın sürən yerdə çəkilən görüntüsü diqqət çəkib. 

Axşam.az xəbər verir ki, videonu Kamil instaqram səhifəsində yayımlayıb. Övladı onun "Gelandewagen" markalı avtomobilini sürüb. 

Kamil görüntüyə "İctimai nəqliyyatın və insanların olmadığı təhlükəsiz yerdə sürürdük. Neçə aydır qızıma avtomobil sürməyi öyrədirəm. Xam deyil, narahatçılığa səbəb yoxdur. 10 yaşlı qızımın fərasətinə maşallah olsun, bir qalıb silah atmağı öyrənməsi. O da tezliklə..." sözlərini yazıb. 

K.Zeynallı eyni zamanda qızının at çapan videolarını da tez-tez izləyiciləri ilə bölüşür.

***

“Bu çox yalnış bir addım və kobud qayda pozuntusudur. Biz yol hərəkəti qaydasından, insanların təhlükəsizliyindən danışırıq. 10 yaşlı uşağa idarə etməsi üçün avtomobil əmanət etmək nə deməkdir? Bu ağla, şüura, qanunvericiliyə ziddir və cəzası var”.

Bunu oxu.az-a açıqlamasında Bakı Şəhər Dövlət Yol Polisi İdarəsinin baş inspektoru, polis mayoru Araz Əsgərli məşqçi Kamil Zeynallının 10 yaşlı qızının avtomobil idarə etməsinə münasibət bildirərkən deyib. O vurğulayıb ki, tanınmış simaların bu cür davranışlara yol verməsi təəssüf hissi doğurur:

“Kamil Zeynallı cəmiyyətdə tanınan simadır. Tanınan adamların da bu cür davranışları,ümumiyyətlə, yolverilməzdir. Təbii ki, bu fakt araşdırılacaq və hüquqi qiymət veriləcək. Bir insan cəmiyyətdə tanınırsa, qayda pozmaqla yox, nümunəvi hərəkətlər etməlidir. Ən əsası da qanunun aliliyi prinsiplərinin təbliğatçısı olmalıdır. Sürücülük hüququ olmayan, xüsusilə də azyaşlı uşağa avtomobil həvalə etmək olduqca təhlükəlidir. Qanunla sürücülük hüququ olmayan şəxsə 100 AZN, onu idarə etməyə verən fiziki şəxsə isə 60 AZN cərimə nəzərdə tutulub. Lakin burda digər tərəf məsuliyyətə cəlb etmə yaşında deyil, elə faciə də burasıdır ki, sükan uşağa verilib. 10 yaşlı uşağı cərimə etmək olmaz, qanunvericilik buna icazə vermir. Bu, onun valideyninin, yaxınının bağışlanılmaz səhvidir. Əgər bunu edibsə və videonu da paylaşıbsa, bu don geyindirilməyəcək, əsas gətirilməyəcək səhvdir”.