Şair Nazilə Səfərli onun adını eşidərkən əsəbiləşən həmkarı Cığatel İsaqızına cavab verib. 

Axşam.az xəbər verir ki, şair ad çəkmədən instaqramda bunları yazıb:

"13 yaşımda nənəm mənə dedi: səndən nigaranam. Niyə belə fağırsan? Yetən başından vurub çörəyini əlindən alacaq. Dedim, nənə, mən bir çörəkli qız olacam ki, çörəyimi özüm xoşluqla paylaşacağam. Yanından ötüb arxada qoyduqlarım çörəksiz başına ikiəlli döyəcəklər. Bir video gördüm, bir nəfərin yanında adımı çəkiblər. Necə özündən çıxıbsa, "krest" sözünü "dur" sözünün əvəzinə işlədib. Ruhun şad olsun ay nənə, məndən nigaran olma".

Qeyd edək ki, C.İsaqızı "Nazilə Səfərli ilə aranız necədir" sualına C.İsaqızı "Stop elə! O sualı mənə verə bilməzsən. O sualı ümümiyyətlə verilişdən çıxarın" reaksiyasını verib.