"Qazancın haram yolladır" - Video

"Qazancın haram yolladır" - Video
2353 dəfə oxunub
  • A-
  • A
  • A+

Müğənnilər Vəfa Şərifova ilə Türkan Vəlizadə arasında qalmaqal yaşanıb. 

Axşam.az xəbər verir ki, buna səbəb isə Türkanın qarşı tərəfin mahnısını oxuması olub. Daha sonra isə T.Vəlizadə TikTok-da canlı yayımda qarşı tərəfin ünvanına qeyri-etik ifadələr işlədib. 

"Mahnının peçatını vurdum. O, peçat vurulandan sonra o birilərə dəydi, peçatı qoydular alınlarına. Bəzi fanatlar ağzınızı cıraram. Elə cıraram ki, tikməyə iynə-sapınız olmaz. Başınızın üstündə dayanan böyükləriniz, özünü böyük kimi aparanların da ağzını cıraram" deyə, ifaçı Vəfa və fanatlarını təhqir edib.

Qarşı tərəfin cavabı da gecikməyib. İfaçı sosial şəbəkədə video yayaraq Türkana cavab verib:

"Bir ildən çoxdur ki, bu insanlar "hekayələr" çəkərək, TikTok-da canlı yayımlar açaraq dayanmadan mənə söz atırlar. Elə bir mövzu yoxdur ki, onlar buna toxunmasınlar. Mən kəndçi qızıyam, bunlar isə şəhərli qızlardır. Bunlar müasir, dəbli, mən isə müasir və dəbli deyiləm. Danışığıma, oxumağıma, mahnılarıma, geyimimə, gülüşümə söz atırlar. Elə bir mövzu yoxdur ki, bunlar toxunmasınlar. Bəsdirin! Niyə özünüzü gülünc vəziyyətinə qoyursunuz? Mən susduqca, siz bir az da üstümə gəlirsiniz. Bu gündən sonra mənə hansınız söz atsanız, ağzınızı açsanız, səhifəmdə paylaşacağam. Qoy, insanlar görsünlər ki, davakar kimdir. 

Nə vaxt payınızı verirəmsə, davakar və pis adam mən oluram. Sizin bu şeylərinizə də susmalıyam? Mahnının “peçatını” vurmusan. Çox gözəl, təbrik edirəm. Amma hələ də TikTok-da canlı yayım açıb o kasıb insanların 3-5 hədiyyəsinə möhtacsan. Bilirsən niyə? Çünki o qazancın haram yolladır. Çünki sən mənim haqqıma girmisən. O haqla da qazandığın pulun bərəkəti heç bir zaman olmayacaq. Görüb, görəcəyin də elə o mahnı olacaq. Bundan sonra isə heç bir mahnın tutmayıb, tutmayacaq da. Çünki hamilə bir qadının ahını Allah heç bir zaman yerdə qoymaz. Heç kimdə qoymaz nəinki, səndə".