Əməkdar artist Teymur Əmrah solo konsert verməməsinin səbəbini açıqlayıb.

Axşam.az xəbər verir ki, müğənni "Qonaqcanlı" verilişində bir neçə il əvvəl verdiyi solo konsertindən gəlir əldə etmədiyini deyib:

"2019-cu ildə Heydər Əliyev Sarayında konsertim oldu. 8 günə biletlər satıldı. Fərhad Babayev mediaya dedi ki, 40 ildir buradayam, hələ belə satış olmamışdı. Bir qurum var, adını açıqlamayacağam. İki dövlət idarəsində işləyirəm. Orada iclas oldu, dedi ki, buradan maaş alırsınız, filan konserti verməlisiniz. Heydər Əliyev Sarayı əvvəl 2000, indi 1800 tamaşaçı tutur. Bilet 25 manatdan 100 manata qədər idi. Həmin qurum biletdən 90, 100 min manata yaxın pul götürdü, mənə isə 5 min manat verdilər. Hadisə qurumun köhnə rəhbərliyinin vaxtında baş verib. Pulun hamısını musiqiçilərə verdim, evə pulsuz getdim".

T.Əmrah bildirib ki, konsert salonlarındakı avadanlıqların onu qane etmədiyi üçün konsert vermir:

"İndi saraylar, restoranlar var ki, konsert təklif edir, razılaşmıram. Texniki avandanlıq sarıdan böyük konsert məkanlarında problem yaşanır. 32 ildir səhnədəyəm çıxıram səhnəyə mikrofona, monitora effekt verə bilmirlər. Dünyada bütün səs rejissorları konservatoriya bitirir ki, səsə düzgün rəng versinlər. Bizdəkilər isə yox. Mən isə 32 ildir sənətdəyəm, bunu ona qurban verə bilmərəm. Konsertdə fonoqram oxumaq olmaz".