Bu gün Novruz bayramının ilk müjdəçisi olan Su çərşənbəsi qeyd olunur.

Axşam.az "AzərTac"a istinadən xəbər verir ki, "İçərişəhər" Dövlət Tarix-Memarlıq Qoruğunun təşkilatçılığı ilə Qız qalası meydanında bayram proqramı keçirilib, qədim ənənələrə uyğun olaraq tonqal qalanıb.

Tədbirdə paytaxt sakinləri və şəhərimizin qonaqları iştirak ediblər. Bayram əhvali-ruhiyyəsi ilə müşayiət olunan proqramda milli musiqilər səsləndirilib, folklor nümunələri təqdim edilib. Qalanan tonqal baharın gəlişini, təbiətin oyanışını və xalqımızın birlik ruhunu simvolizə edir.