Müğənnilər Sevil və Sevinc Səfərova bacıları sosial şəbəkədə ünvanlanan sualları cavablandırıb.

Axşam.az xəbər verir ki, əkizlər onlara ünvanlanan evlilik sualına belə cavab verib:

"Məncə evlilik xəyalları hər bir qızda uşaqlıqdan olur. Qəlbində mərhəmət hissi, ürəyində Allah sevgisi olan, qarşısındakı insanın kimliyindən asılı olmayaraq xarakteri dəyişməyən, hər kəsə eyni hörmət göstərən biri olarsa, təbii ki, istərdik".

Verilişlərə getməyən ifaçılar "Hazırda efirdə baş verən bütün bu xaosun içində olmaq istəmirik. Düşünürəm ki, yerimizdə olan hər bir adekvat insan da eyni addımı atardı" sözlərini əlavə ediblər.