Bəzi çoxməqsədli gözəllik məhsullarını hər yerdən əldə etmək olmur.
 
Doğrusunu demək lazımdırsa, biz bu tərz ağıllı vəsaitləri mətbəximizdən də tapa bilərik. Qaşıqların makiyaj edərkən də köməyimizə çatacağı fikri sizdə təəccüb doğurursa, axşam.az bunu sübut edəcək üsulları təklif edir:

Quyruqlu sürmə

Qaşığı göz qapağının üzərinə yerləşdirin. İndi qaşığın alt qisimini rəhbər tutaraq sürmənin tətbiqinə başlayın. Çəkdiyiniz hissənin içini doldurun.

Tuş tətbiqi

Tuş tətbiqi zamanı qaşığı göz qapağının üzərinə yerləşdirin. Beləcə, tuşun göz qapağına bulaşmasının və makiyajınızı pozmasının qarşısını almış olacaqsınız. 

Kirpiklərinizi burun

Səyahətə çıxarkən kirpik buranınızı evdə qoymusuz? Otaq xidmətinə zəng edib bir qaşıq rica edərək vəziyyəti həll edə bilərsiniz. Qaşığı üfüqi olaraq tutun və qıvrım hissəsi ilə baş barmağın arasındakı kirpiyi sıxın, burmağa diblərdən başlayın. Kirpiklərini burduqdan sonra qaşığı göz qapağına yerləşdirin və maskaranı tətbiq edin. Əlavə buruq üçün qaşığınızı saç qurutma maşını ilə bir az isidə də bilərsiniz.

Yanaqlarınızı konturlayın

Qaşığı almacıq sümüklərinizə yerləşdirin. Beləcə, qaşığın alt qismi kontur makiyaj etməyiniz üçün sizə kömək olacaq.