Türkiyədə yayımlanan evlilik proqramları ilə bağlı yeni qərar verilib.

Axşam.az-ın “Haberler.com”a istinadən məlumatına görə, ATV kanalında efirə gedən Esra Erolun evlilik verilişi yeni mövsümdə qaldığı yerdən davam edəcək.

Bu barədə proqramın İnstaqram səhifəsində yazılıb. İzləyicilər bu xəbərdən sonra digər evlilik verilişlərinin də yayımlanacağını bildiriblər.

Qeyd edək ki, evlilik verilişləri "Show TV", "ATV", "Star TV"də və digər kanallarda yayımlanırdı. Bir müddət əvvəl "RTÜK" həmin verilişlərin bağlanması ilə bağlı qərar vermişdi.