Axşam.az xəbər verir ki, bu sözləri müğənni Xuraman Şuşalı MTV-yə açıqlamasında deyib. Sənətçi məclis qiymətini endirməyin tərəfdarı olmadığını deyib. Xuraman bildirib ki, restoranlarda şou-proqramlara da getmir:

"Sənət dostlarıma deyirəm ki, bir-birinizə hörmət edin. Efirdə, İnstaqramda bir-birinizi danlamayın. Mətbəxi açıb tökməyin. Bu yaxınlarda restoranlardan təklif gəldi, içki də yox idi. Pula ehtiyacım var, dörd övlad saxlamaq asan iş deyil. Zamanında beş mahnıya o qonorarı alırdımsa, burada deyirdilər, gəl 2 saata o məbləğin yarısını veririk. Özümə sığışdırmadım, adiləşəcəyimi düşündüm. Gərək qalxdığın yeri saxlaya biləsən.

Rusiyada gedib təqvimlə toy oxuyub, münasib qiymətə edənlər ağıllıdır. Fikirləşir ki, buradayam, bilet pulu ödəmirəm. Nə etsin? Buradan ora gedib, biri var 10, biri də var 15 manatla qayıtsın".