"Pop mahnılar oxumaqdan zövq almıram. Hərdən konsertlərdə oxuyanda da baxıram ki, ürəyimcə deyil".
Axşam.az xəbər verir ki, bu sözləri müğənni Çingiz Mustafayev "Gündən-günə" verilişində deyib. O bildirib ki, oxu janrını dəyişib və buna görə də tamaşaçı itirməkdən qorxmur:
"Zərrə qədər də tamaşaçı itirməkdən qorxmuram. Ümumiyyətlə, itirməkdən qorxmuram. Qorxsaydım, gedib 6 ay Balidə qalmazdım. Orada ayaqyalın gəzməyi, özümlə tək qalmağı, təbiətlə olmağı seçdim. Özümə, biliyimə yatırım etməyi seçdim. İtirsəm də peşman olmayacam. Hər şey nisbidir, məndən də qəribələri var".