"Bakı 2015" ilk Avropa Oyunlarının 2-ci günündə kişilər arasında keçirilən 60 kq çəki dərəcəsində karate üzrə yarış Azərbaycanın xeyrinə olub.
Axşam.az-ın məlumatına görə, həmyerlimiz Firdovsi Fərzəliyev qızıl medal əldə edib. O, rəqibi italyan idmançı Luka Mareskanı 4-0 xal hesabı ilə məğlub edib.
Bürünc medalın sahibi Makedoniyanın şərəfini qoruyan Emin Pavlov olub. O, 2-0 xal hesabı ilə serbiyalı idmançı Antik Marko üzərində qələbə qazanıb.