“Bakı-2015” ilk Avropa Oyunlarında çimərlik futbolu yarışları baş tutub.

Axşam.az-ın məlumatına görə, yarışlarda dünya reytinqində ilk beşlikdə yer alan komandalardan dördü qızıl medal uğrunda mübarizə aparb. Dünya reytinqində İtaliya, Ukrayna və Macarıstan kimi daha aşağı pillələrdə yer alan komandalar ilk beş pillədəki Rusiya, İsveçrə, Portuqaliya və İspaniya kimi güclü yığmalarla qarşılaşıb.

“A” qrupunun ilk görüşündə Portuqaliya və İsveçrə milliləri qarşılaşıb. Azarkeşlərin maraqla izlədiyi oyunda qapılara 11 top vurulub. Qarşılaşmada Portuqaliya millisi 6:5 hesabı ilə qalib gəlib.

Çimərlik futbolu yarışlarının “A” qrupunun ikinci oyununda Azərbaycan yığması Ukrayna millisinə 1:3 hesabı ilə məğlub olub.