Xalq artisti Emin Ağalarovun həyat yoldaşı Alyona Qavrilova "Dream Fest"də firuzəyi xalçaya onunla birlikdə çıxıb.

Axşam.az xəbər verir ki, Alyona zərif və eleqant obrazı ilə diqqət çəkib. O, bədənə tam oturan, straplez kəsimli, pudra-çəhrayı çalarlı və daş işləmələri ilə bəzədilmiş "Sophie Couture" məxsus uzun libasa üstünlük verib. Sözügedən paltarı misirli aktrisa Yasmin Sabri 79-cu Kann Film festivalında geyinib. 

Alyona obrazını "Bvlgari" brendinə məxsus boyunbağı, sırğa və qolbaqla tamamlayıb. O, makiyajda daha çox təbii tonlardan istifadə edib.