Ötən gün paytaxt otellərinin birində “Brend of Azerbaijan” mükafatının təqdimat mərasimi keçirilib.

Axşam.az-ın məlumatına görə, tədbirdə bir neçə gənc müğənnilər mükafatlara layiq görülüb.

Müğənni Sevda Yahyayeva “İlin brend gənc xanım müğənnisi”, Günay İbrahimli isə “İlin ən çox dinlənilən gənc xanım müğənnisi” adını qazanıb. 

"ATV" telekanalının aparıcısı Samir Bayramlı “İlin brend aparıcısı”, rejissor Zöhrab Ağayev isə “İlin çalışqan klipmeykeri” nominasiyasını alıb.

Mükafata layiq görülənlər arasında müğənni Sevinc Ağaşirinova, Yaşar Cəlilov, Yaşar Yusub və başqaları da olub.