Müğənni Niyam Salami “İki damla yaş” adlı mahnısını təqdim edib.

Axşam.az-ın məlumatına görə, bəstənin sözləri şairə Xeyransa Aydınqızına, musiqisi isə Nailə Mirməmmədliyə aiddir.

Yeni mahnısından söz açan Niyam onun hit olacağına iddialıdır:

“Bu mahnı “Haram əllər” bəstəsindən sonra sənətimdəki növbəti sıçrayış olacaq. Yayın istisində belə lirik mahnı təqdim etməklə böyük riskə getdiyimi bilirəm. Çünki bu ərəfələr hamı ritmik mahnılarla gündəmə gəlir. Amma sevənlərim uzun fasilədən sonra məndən lirik ifa istəyirdi. Onları üzməyəcəkdim ki…”.