Axşam.az xəbər verir ki, bu sözləri aparıcı Tural Əsədov deyib. O, aparıcısı olduğu "Səhər mərkəzi" proqramında koronavirusa yoluxduğu ərəfədən danışıb. O, Səhiyyə Nazirliyindən gileylənib:

"Təsadüfən öyrəndim ki, Səhiyyə Nazirliyi Covid 19-dan müalicə alan xəstələrə dərman paketi götürür. Sahə həkiminizdən tələb edin. Bu dərmanlar haqda araşdırma aparın. Sahə həkimindən soruşanda dərmanlarım hanı? Cavab verdi ki, imtiyazlı ailələr üçündür. Telefondan necə başa düşdü ki, mən imtiyazlı ailəyəm, ya yox. Xəstəsinizsə, evdə müalicə alırsınızsa, dərmanı tələb edin. Dərmanların qiyməti ortalama 60-90 manat arasıdır. Hüquqlarınızı tələb edin. Sonra gəlib çıxır ki, xəstəxanada yer pulla satılır".