65 ölkədə aşkarlanan "delta" ştammı sürətlə yayılmağa davam edir. Mutasiyaya uğrayan virusun üzərində araşdırmalar davam edərkən "delta plus" variantı isə artıq 11 ölkədə qeydə alınıb.

Axşam.az xəbər verir ki, ilk Hindistanda aşkarlanan virus mutasiyalar arasında ən təsirlisidir. Baş və boğaz ağrısı, burun axıntısı, öskürək, eşitmə problemləri kimi yeni simptomlara malik olan bu variant artıq Türkiyə, Rusiya və İran kimi qonşu ölkələrdə də aşkarlanıb. Bəzi ölkələrdə mutasiyanın ürəkbulanma, iştahsızlıq kimi fərqli simptomları da müşahidə olunur.

Bu ştammın digərlərinə nəzərən 60 faiz daha sürətlə yoluxduğu müəyyən edilib. Hüceyrələrə sürətlə nüfuz etmə özəlliyi mutasiyanın ağ ciyərlərə daha asan yapışmasına səbəb olur ki, bu da ölümcül sayılır. Vaksinasiyadan keçən şəxslərin bu mutasiyaya daha az yoluxduğu bildirilir.

“Delta plus” da bənzər simptomlara sahib olsa da onun yoluxma qabiliyyəti daha yüksəkdir.