Azərbaycanda pandemiya şəraitində ilk tamaşa nümayiş olundu

Azərbaycanda pandemiya şəraitində ilk tamaşa nümayiş olundu
601 dəfə oxunub
  • A-
  • A
  • A+

Azərbaycan Dövlət Akademik Opera və Balet Teatrında Üzeyir Hacıbəylinin “Leyli və Məcnun” operası nümayiş olunub.

Axşam.az APA-ya istinadən xəbər verir ki, “Leyli və Məcnun” operasının nümayişi Üzeyir Hacıbəyli XIII Beynəlxalq Musiqi Festivalı çərçivəsində baş tutub və Azərbaycanda pandemiya başlayandan ilk dəfə teatrda tamaşa göstərilib.

Tamaşada əsas partiyaları Respublika muğam müsabiqəsinin laureatı Rəvanə Əmiraslanlı (Leyli) və Əməkdar artist Elnur Zeynalov (Məcnun) ifa edib. Tamaşada Əməkdar artistlər Təyyar Bayramov (Məcnunun atası), Cahangir Qurbanov (Nofəl) və başqaları iştirak edib. Opera tamaşasını Əməkdar incəsənət xadimi, Prezident mükafatçısı Sevil Hacıyeva idarə edib.

Qeyd edək ki, dəvətnamə ilə teatra gələn tamaşaçılar Nazirlər Kabineti yanında Operativ Qərargahın koronovirusla mübarizəyə qarşı müəyyən etdiyi qaydalara uyğun olaraq zala buraxılıb.