Azərbaycan Dövlət Akademik Musiqili Teatrında şəhidlərə, qazilərə, əsgər övladlarına və analara həsr olunan "Bir nəfəs qədər" (pyesin müəllifi: Samir Qulamov) tamaşasının premyerası olacaq.

Axşam.az xəbər verir ki, SSRİ Xalq artisti Fikrət Əmirovun musiqisi əsasında hazırlanan bu səhnə əsərinin ideya müəllifi və bədii rəhbəri Əməkdar incəsənət xadimi Əliqismət Lalayev, quruluşçu rejissoru Samir Qulamov, quruluşçu dirijoru və musiqi tərtibatçısı Əməkdar incəsənət xadimi Fəxrəddin Atayevdir.

Səhnə əsərində Əməkdar artist Nahidə Orucova, aktyorlar Gülnarə Abdullayeva, Gülcahan Salamova, Əmrah Dadaşov, İbrahim Əlizadə, Nəzrin İsmayılzadə, Mehriban Zaliyeva, Səmədzadə Xasıyev, Hidayət Əliyev, Əli Kərimov, Murad Əliyev iştirak edəcəklər.

Qeyd edək ki, "Bir nəfəs qədər" tamaşası 12 dekabr saat 13:00 və 19:00-da bir daha oynanılacaq.