Əməkdar artist Mətanət İsgəndərlinin oğlu Kərimlə bağlı maraqlı fakt ortaya çıxıb.

Kərimin keçmiş xanımı Canana Axşam.az-a açıqlamasında ona göndərilən mesajdan danışıb. O bildirib ki, Kərimin yanvarın 8-də bir müddət əvvəl nişanlandığı Aysel adlı xanımla nikahı olub:

"Mənə tanımadığım bir xanım mesaj yazdı. Bildirdi ki, Kərim artıq evlənib. Mətanət xanım yalan danışmasın ki, nişan, elçilik yalandır. Böyük toy olmayıb. Mən deyəndə ki, onlar məni çoxdan boşamaq istəyirdilər, heç kim inanmırdı. Axırda mən özüm bezib boşandım.  Uşaqlarımı geri versinlər, məndən uzaq olsunlar".

Digər bir maraqlı məqam isə Kərimlə bağlı sosial şəbəkədə edilən paylaşım olub. Belə ki, ad olmayan bir səhifə Kərimin fotolarını yayıb.

Paylaşımda "Kişilər necə də ümid verib başqasıyla evlənə bilir. Ayın 1-də gəlib mənə ümid ver, sonra 8-də eşit ki, evlənib. Qız da yanında. Heç olmasa Allahdan qorxardın. Məni gözüyaşlı qoyub. Göz yaşımla xoşbəxt ola bilmərsən, Kərim bəy" sözlərini yazıb.

Qeyd edək ki, Kərim və Canana ötən il boşanıb. Onların 3 övladı atada qalıb. Kərimin ötən ay nişanlanma xəbəri çıxıb. Canana isə apelyasiya məhkəməsinə müraciət edərək, uşaqlarını geri almağa çalışır. Məhkəmə yanvarın 25-də planlaşdırılıb.

***

Paylaşımı edən xanım Axşam.az-la əlaqə saxlayıb. O bildirib ki, fotodakı qız Canananın dediyi kimi Aysel deyil. Şəkildəki xanımın özü olduğunu deyən şəxs adını açıqlamayıb. O, qeyd edib ki, Kərim ona ümid verib və aldadıb:

"Mənim profilimdən bu fotoları kim yayıb bilmirəm. Canana yayıbsa, onu məhkəməyə verəcəm. Şəkildəki xanım mənəm. Bu paylaşımı edib, sonra sildim. Bizim münasibətimiz ciddi idi. Bunu hər ikimizin ailəsi də bilirdi".