Xəbər verdiyimiz kimi, türkiyəli aparıcı Seren Serengil "Söylemezsem olmaz" proqramından ayrılıb.

Axşam.az xəbər verir ki, aparıcı verilişdəki həmkarlarını məhkəməyə verib. O, proqramdan ayrılandan sonra haqqında səsləndirilən fikirlərin qarşısını almaq üçün belə bir addım atdığını bildirib.

"Proqramda Seren haqqında səsləndirilən əsassız iddialar və təhqirlər səsləndirən, sosial media üzərindən paylaşımlar edərək söz atan Bircan Bali və Arto haqqında onu narahat etməmələri ilə bağlı qoruma tələb olunub. Növbətçi məhkəmə məsələ ilə bağlı qərar çıxarıb. Sözügedən aparıcılar hərəkətlərinə davam edəcəkləri təqdirdə həbs oluna və təzminat ödəmək məcburiyyətində olacaqdır" deyə, yayımlanan bəyənatda əks olunub.

Qeyd edək ki, verilişin digər aparıcıları Bircan Bali və Artodur. Bir müddət əvvəl Seren Bircanla canlı yayımda yaşadığı mübahisəyə görə xəstəxanalıq olmuşdu.