Rusiyalı məşhur model İrina Şeyk 76-cı Kann Film Festivalında geyindiyi qalmaqallı geyimi ilə bağlı “Vogue” jurnalına açıqlama verib.

Axşam.az xəbər verir ki, model tədbir üçün seçdiyi geyimlərlə müasir dövrün tərzini təqdim etməyi hədəflədiyini vurğulayıb:

"Bu il Kann üçün qarderobumu yığarkən seçimlərimi çox bəyəndim. Çox sevdiyim dizaynerlərin geyimlərini dəstəkləmək və orada müasir geyim tərzini nümayiş etdirmək istədim. Sevimli bir görünüşü seçmək həqiqətən çətindir, hamısı çox unikaldır!".

O, festivalda lazım olan əsas amillərdən biri ilə bağlı suala isə "Gün eynəksiz heç vaxt Kanna getməzdim (gülür)" deyə, cavab verib.

İrina ümumilikdə stilinin qeyri-adi, orijinal, cəsarətli olduğunu vurğulayıb.