Təcavüz və cinsi zorakılıqda təqsirləndirilən məşhur Hollivud prodüseri Harvi Vaynşteynin növbəti məhkəməsi baş tutub.

Axşam.az xəbər verir ki, Nyu-Yorkun münsiflər heyəti bu gün Vaynşteyni 2006-cı ildə keçmiş köməkçisi Miriam Heyliyə cinsi təcavüzdə təqsirli biliblər. Ancaq prodüserə 2002-ci ildə 16 yaşlı aktrisa olmaq istəyən Kaja Sokolaya təcavüz etməsi məsələsində bəraət veriblər.

Münsiflər 2013-cü ildə aktrisa Cessika Mannın zorlanması iddiası ilə bağlı şikayətdə isə yekdil qərara gəlməyiblər. Qərar üzrə müzakirələr bu gün davam edəcək.

Xatırladaq ki, 2020-ci ildə Harvi Vaynşteyn iki cinsi zorakılıqda təqsirli bilinərək 23 il müddətinə azadlıqdan məhrum edilib. Lakin 4 il sonra apellyasiya məhkəməsi proses zamanı bəzi  pozuntular olduğunu əsas gətirərək bu hökmü ləğv edib. Təxminən eyni vaxtda 72 yaşlı Vaynşteynə sümük iliyi xərçənginin bir növü - xroniki miyeloid leykemiya diaqnozu qoyulub.