Müğənni Elçin Hüseynov mədəkiçiltmə əməliyyatı etdirib.

Axşam.az xəbər verir ki, sənətçi bu haqda "Qonaqcanlı" verilişində deyib. O bildirib ki, artıq çəkidən əziyyət çəkirmiş:

"Bu, insulin dirənci yüksək olanlar üçün müalicə üsuludur. Biz isə bunu arıqlamaq üçün edir. 20 kiloqramdan çox arıqlamışam. Hələ də çəki atacağam. Bundan sonra 16 kiloqram arıqlamalıyam. Bizdə kökəlmək genetikdir. Özümü anlayandan bununla mübarizədə olmuşam. Son vaxtlarda gördüm çətinlik çəkirəm. Həkimim məsləhət gördü və etdik. İndi bu əməliyyatı gec etdirdiyim üçün peşmanam".