Venesuelanın ilk qadın naziri Alexandra Benitezin 2008-ci ildə çəkdirdiyi çılpaq şəkillər ortaya çıxıb və bu, ölkədə qalmaqala səbəb olub.

“Qafqazinfo”nun xarici KİV-ə istinadən verdiyi məlumata görə, bir neçə gün əvvəl yeni prezident Nikolas Maduro tərəfindən idman naziri təyin olunan 32 yaşlı Benitezin şəkilləri yenidən yayımlanıb.

“Dominical” jurnalı tərəfindən 2008-ci ildə yayımlanan Benitez nazir olan kimi yenidən gündəmə gətirilən şəkillər geniş müzakirələrə səbəb olub.

Benitez 2004, 2008 və 2012-ci illərdə peşəkar qılıncoynadan kimi Venesuelanı olimpiadada təmsil edib. Bu şəkillərin 2008-ci ildəki Pekin Olimpiadasından əvvəl çəkildiyi bildirilir.

Qeyd edək ki, fotolar “Ölkə soyundu” başlığı ilə yayımlanıb.