Britaniyalı dizayner Viktoriya Bekhemin xeyriyyə məqsədilə qızı Harper Sevenin libaslarını satışa çıxaracağı ilə bağlı xəbər vermişdik.

Axşam.az-ın xarici mətbuata istinadən məlumatına görə, dizayner artıq qızının paltarlarından 25 ədədini satışa qoyub. Layihənin təşkilatçıları Harperin libaslarının satışı üçün xüsusi butik də açıblar. Sosial şəbəkələrdə 4 yaşlı qızcığazın geyimlərindən bəzilərinin fotoları paylaşılıb.

Qeyd edək ki, Harperin libaslarının əksəriyyəti “Chloe”, “Ralph Lauren”, “Stella McCartney”, “Gucci”, “Marc Jacobs” kimi brendlərdəndir.