Azərbaycan bu gün aktivinə 14-cü qızıl medalı yazıb.

Axşam.az-ın məlumatına görə, növbəti qızıl medalı gimnastımız Oleq Stepko kişilər arasında paralel qollar üzrə yarışda əldə edib. O, 15.733 xal qazanaraq bu yarışda ən yüksək nəticə göstərib.

Oleq Stepko birinci Avropa Oyunlarında Azərbaycan komandasının tərkibində ən çox medal qazanan idmançıdır. O, bu yarışlarda 1 qızıl, 2 gümüş və 2 bürünc medala sahib olub.

Beləliklə, indiyədək ümumi hesabda qazandığımız 33 medaldan beşi Oleqin payına düşür.

(AzərTac)