Müğənni İbrahim Tatlısəs özünün “Etiler Tatlıses Kebab” restoranından çıxarkən obyektivlərə tuş gəlib.

Axşam.az-ın “Hürriyət”ə istinadən məlumatına görə, paparassilərdən qaçmaq üçün arxa qapıdan çıxan sənətçi istəyinə nail ola bilməyib. Cangüdənləri və restoran mühafizəçiləri Tatlısəsin ətrafına yığılaraq onu qorumağa çalışıblar.

Jurnalistlər mühafizənin güclü olmasına baxmayaraq, sənətçinin şəkillərini çəkə biliblər. İbrahim Tatlısəs daha sonra müxbirlərə ismarış göndərərək yaxın zamanda mətbuat konfransı keçirəcəyini və haqqında öyrənmək istədikləri hər şeydən bəhs edəcəyini bildirib.