"Qızıl Qlobus" mükafatlı Tom Kruz məşhur aktrisa Annabelle Uollislə “Mumya Londonda” ("The Mummy in London") filmində çəkiləcək.

Axşam.az-ın xarici KİV-ə istinadən məlumatına görə, Kruzla dramatik səhnələri paylaşacaq olan Uollis filmdə rol olacaq digər aktyorlarla bir araya gələrək ifa edəcəkləri rolları müzakirə ediblər.

Kruz filmdə missiya arxasınca İraqa göndəriləcək. Onun missiyası terrorçu qrupu tapmaq və zərərsizləşdirmək olacaq. O, daha sonra keçmişdə Assuriya kralı olmuş Aşşurbanipalın mumyasını açmağa çalışacaq.

Filmdə Ceyk Conson və Kourtni Vans kimi ulduzlar da rol alacaq. Əsas hadisələrin London küçələrində cərəyan edəcəyi filmin bəzi çəkilişləri artıq tamamlanıb.

Qeyd edək ki, rejissoru Aleks Kurtzman olan filmin 24 mart 2017-ci ildə nümayiş ediləcəyi gözlənilir.