Müğənni, “Dəyirman” qrupunun keçmiş solisti ABD Malik qızları Şanis və Xədicə ilə fotokamera qarşısına keçib.

Axşam.az-ın məlumatına görə, “ATV Maqazin” dərgisi üçün müsahibə verən sənətçi ailəsindən söz açıb:

“Şanis anasına, Xədicə isə mənə oxşayır. Qızlarım xasiyyətcə bir-birinin əksidir. Xədicə çılğın, Şanis isə zahirən çox sakitdir.

Övladlarımla dost kimiyəm, tez-tez onlarla söhbət edirəm, hətta bilmək istədiklərini ilk növbədə anasından yox, məndən soruşurlar.

Şanis bu il dördüncü sinfə gedir. Onunla fəxr edirəm, həm dərslərini yaxşı oxuyur, həm də istedadlıdır. Rəssamlığı bacarır, əl işləri dəfələrlə sərgilənib”.