Bu gün iqtisad elmləri doktoru, Ümumrusiya Azərbaycan Konqresinin vitse-prezidenti, "Krokus Group" holdinqin prezidenti, iş adamı Araz Ağalarovun doğum günüdür.

Axşam.az xəbər verir ki, A. Ağalarovun 58 yaşı tamam olur.

Ad günündə onu oğlu, bəstəkar-müğənni Emin Ağalarov daxil olmaqla yaxınları və bir çox dostları təbrik edib. Araz Ağalarovun ailə dostu, keçmiş SSRİ xalq artisti Tamara Sinyavskaya da təbriklərə qoşulub:

"Ailəmizin böyük və əsl dostu Araz Ağalarovu məmnuniyyətlə təbrik edirəm. Araz çox səmimi, ciddi, yaradıcı insandır. Ona sağlamlıq, enerji, xoşbəxtlik və hər sahədə, xüsusilə, biznesdə uğur arzulayıram".