Xalq artisti Rafiq Hüseynovla vida mərasimi başlayıb.

Axşam.az-ın məlumatına görə, mərhum diktorun nəşi Rəşid Behbudov adına Mahnı Teatrına gətirilib.

Mərasimdə R.Hüseynovun ailə üzvləri, sənət dostları və yaxınları iştirak edir.

Mərhumla vida mərasimi saat 12:00-a kimi davam edəcək.
 
R.Hüseynov Almaniyanın Düsseldorf şəhərindəki klinikalardan birində oktyabrın 26-da dünyasını dəyişib. O, xərçəng xəstəliyindən əziyyət çəkirdi.

Qeyd edək ki, xalq artisti Yasamal qəbiristanlığında dəfn olunacaq.

Foto: Ramin ASLANOV