ABŞ prezidenti Donald Trampla ailə üzvləri Ağ Evdə ənənəvi hinduşkaları bağışlama mərasimində iştirak ediblər.

Axşam.az xarici mediaya isitnadən xəbər verir ki, Ağ Ev rəhbəri Dramstik və Uişboun ləqəbli hinduşkaları kəsilib bayram süfrəsinə qoyulmaqdan xilas edib. Ev quşları bu mərasimdən sonra Lisburq şəhərində hinduşka fermasında yaşamağa davam edəcəklər.

Qeyd edək ki, mərasimdə Melaniya Tramp, oğlu Berron, Donald Trampın böyük qızı İvanka və əri Cared Kuşner, uşaqları, kiçik qızı Tiffani iştirak ediblər.
 
Xatırladaq ki, hinduşkaları bağışlama mərasimi 1989-cu ildən ata Corc Buşun dövründən keçirilir. Bu ənənə 1963-cü ildən Con Kennedinin adı ilə bağlıdır. İlk dəfə o, hinduşkaları süfrəsində istəməyərək onları “bağışlamışdı”.