Azərbaycan və Qazaxıstan Respublikası arasında diplomatik əlaqələrin qurulmasının 25 illiyinə həsr olunmuş konsert proqramı keçirilib.

Axşam.az-ın məlumatına görə, tədbirin təşkilatçısı Azərbaycanın Aktau şəhərindəki baş konsulluğu və Atirau vilayət hakimiyyəti olub. Azərbaycanlı müğənnilərin orada iştirakını isə prodüser Tarix Əliyev təşkil edib.

Tədbirə qatılan xalq artisti Brilliant Dadaşova, əməkdar artist Elnarə Abdullayeva, müğənnilər Sevda Yahyayeva, Elton Hüseynəliyev, Sevil və Sevinc Səfərovalar, aparıcı Aytəkin Mərdanova diplomla təltif ediliblər.