Tanınmış teleaparıcı Elgiz Əkbər metroda başına gələnləri danışıb.

Axşam.az Anspress-ə istinadən xəbər verir ki, "Günə baxan" verilişinin qonağı olan Elgiz Kamran Həsənlinin "metrodan istifadə edirsinizmi?" sualını cavablandırarkən metroda başına gələnləri danışıb:

"Məşhurlaşdıqdan sonra bir dəfə metroya minmişəm, onda da peşman oldum. ANS-in yaxınlığında qalıram. Lakin qar yağanda işə hərdən məcbur olub ya ayaqla, ya da metro ilə getməli oluruq. Bir dəfə yenə qar yağırdı, məcburən metrodan istifadə etməli oldum. Qatarı gözləyərkən bir də gördüm ki, insanlar mənə təəccüblə baxırlar. Yaxınlığımda dayanan yaşlı bir xanım qulağım eşidə-eşidə rəfiqəsinə nə desə yaxşıdı? "Bu Elgiz deyil, bacı? Bu lap cındır günündədir ki." Bu sözləri eşidib çox pərt oldum. Mənim avtomobilim var, sadəcə məcbur idim. O gündən sonra metroya minməmişəm".